ԵԽԽՎ նիստում կքննարկվեն Հայաստանի եւ Ադրբեջանի միջեւ ռազմական գործողությունները
- Anews
- Oct 11, 2022
- 1 min read
Եվրախորհրդի խորհրդարանական վեհաժողովը (ԵԽԽՎ) աշնանային նստաշրջանի ընթացքում քննարկումներ կանցկացնի «Ադրբեջանի եւ Հայաստանի միջեւ ռազմական գործողությունները, ներառյալ բնակավայրերին եւ քաղաքացիական ենթակառուցվածքներին հարվածները» թեմայով։
Աշնանային նստաշրջանը մեկնարկել է այսօր՝ Ստրասբուրգում, եւ կտեւի մինչեւ հոկտեմբերի 14-ը։ Նստաշրջանի ընթացքում ելույթ կունենա Ուկրաինայի նախագահ Վլադիմիր Զելենսկին։
Նստաշրջանին կմասնակցեն նաեւ Իռլանդիայի նախագահ Մայքլ Դ. Հիգինսը եւ Շվեյցարիայի Համադաշնության նախագահ Ինյացիո Կասիսը, ինչպես նաեւ Ալբանիայի վարչապետ Էդի Ռաման:
Comments