Search

Դումանյանը մասնակցել է «Հայոց ցեղասպանության թանգարան-ինստիտուտի առաջին քառորդ դարը» ցուցադրությանը


Հայոց ցեղասպանության թանգարան-ինստիտուտի հիմնադրման 25-ամյակի կապակցությամբ այսօր ՀՑԹԻ-ի ժամանակավոր ցուցադրությունների սրահում տեղի է ունեցել «Հայոց ցեղասպանության թանգարան-ինստիտուտի առաջին քառորդ դարը» խորագրով ցուցադրության բացման արարողությունը: Միջոցառմանը մասնակցել են ՀՀ կրթության, գիտության, մշակույթի և սպորտի նախարար Վահրամ Դումանյանը և նախարարի տեղակալ Նարինե Խաչատուրյանը:

ՀՑԹԻ-ի տնօրեն Հարություն Մարությանը Վ. Դումանյանին և Ն. Խաչատուրյանին ներկայացրել է Հայոց ցեղասպանության զոհերի հուշահամալիրի և թանգարան-ինստիտուտի հիմնադրմանն ու 25-ամյա գործունեությանն առնչվող ցուցանմուշները: Ցուցադրությունը երկլեզու է (հայերեն, անգլերեն) և ներառում է տասնհինգ ենթախորագիր: Ժամանակավոր ցուցադրության առանձին ենթախորագրեր նվիրված են թանգարան-ինստիտուտի հրատարակություններին, թանգարանային ֆոնդերին ու գիտական գրադարանին, ժամանակավոր և շրջիկ ցուցադրություններին, կազմակերպված գիտաժողովներին, հանրային դասախոսություններին:

ՀՀ ԿԳՄՍ նախարար Վահրամ Դումանյանը շնորհակալություն և գոհունակություն է հայտնել ինչպես ժամանակավոր ցուցադրության կազմակերպման, այնպես էլ թանգարան-ինստիտուտի՝ քառորդ դարի ընթացքում ծավալած հայանպաստ գործունեության համար: ՀՑԹԻ-ի աշխատակիցներին շնորհավորելով 25-ամյակի կապակցությամբ՝ ՀՀ ԿԳՄՍ նախարարը վստահություն է հայտնել, որ թանգարան-ինստիտուտը՝ որպես 21-րդ դարի չափանիշներով գործող համահայկական և միջազգային կառույց, շարունակելու է իրականացնել Հայոց ցեղասպանության հիմնարար ուսումնասիրությանը, ճանաչելիությանը և դատապարտմանն ուղղված նախաձեռնություններն ու ծրագրերը:

Ցուցադրության բացման արարողությունից հետո ՀՑԹԻ-ի մի շարք աշխատակիցներ ստացել են շնորհակալագրեր թանգարան-ինստիտուտի կայացմանն ու զարգացմանը նպաստելու համար:

Նշենք, որ Հայոց ցեղասպանության թանգարան-ինստիտուտը Ծիծեռնակաբերդի հուշահամալիրի տարածքում բացվել է 1995 թ. ապրիլի 24-ին՝ Հայոց ցեղասպանության 80-րդ տարելիցին:

Հավելենք նաև, որ ցուցադրության մուտքն ազատ է, այն կգործի մինչև 2021 թվականի ապրիլ:

Բորիս Ջոնսոնը ցանկանում է նոր առևտրային գործարք կնքել ԱՄՆ-ի հետ

Գիտական բացառիկ լավ լուր. Արմեն Մուրադյան

Մակունցն ամերիկյան ազդեցության գործակալ էր. Աշոտյան

33 անհետ կորած երեխա է հայտնաբերվել թրաֆիքինգի դեմ պայքարի հատուկ գործողության ընթացքում

Արամ Ա Կաթողիկոսը շնորհավորել է ԱՄՆ նորընտիր նախագահ Ջո Բայդենին

ՄԻՊ-ը հայատյացության փաստեր է ներկայացրել

Բավականին ուշագրավ նուանսներ կան այստեղ, որոնք պետք է մանրազնին վերլուծվեն. Ռազմագետ

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: