Search

Դեկտեմբերի 10-ին կկայանա այսպես կոչված «3+3» կամ «3+2» ձևաչափով նախնական հանդիպումը. Փաշինյան


Հայաստանին կարող է հետաքրքրել «3 + 3» ձեւաչափը, եթե այս հարթակում չքննարկվեն հարցեր, որոնք Հայաստանն արդեն քննարկում է այլ ձեւաչափերի շրջանակներում։ Այս մասին այսօր՝ դեկտեմբերի 8-ին, ԱԺ-ում կառավարության հետ հարցուպատասխանի ժամանակ, պատասխանելով պատգամավորների հարցերին, հայտարարեց հանրապետության վարչապետ Նիկոլ Փաշինյանը։

Վարչապետի խոսքով՝ Հայաստանի իշխանություններն այս հարցն արդեն քննարկել են ռուս գործընկերների հետ։ «Մենք արդեն քննարկել ենք այդ հարցը մեր ռուս գործընկերների հետ։ Նրանք համաձայն էին այս կարծիքի հետ»,- ասաց Փաշինյանը։ Նա հայտնեց նաեւ, որ դեկտեմբերի 10-ին հանդիպում է տեղի ունենալու «3 + 2» ձեւաչափի շրջանակներում։ «Առաջիկա օրերին, եթե չեմ սխալվում՝ դեկտեմբերի 10-ին, տեղի կունենա այսպես կոչված «3+3» կամ «3+2» ձեւաչափով նախնական հանդիպումը։ Հայաստանը այս հանդիպմանը կմասնակցի փոխարտգործնախարարի մակարդակով։

Հանդիպումն առհասարակ կանցկացվի փոխարտգործնախարարների մակարդակով։ Կքննարկվեն հետագա անելիքները», - պարզաբանել է վարչապետը։ Փաշինյանը նշեց, որ Հայաստանի կառավարությունը որոշել է ակտիվ տարածաշրջանային քաղաքականություն վարել, եւ այժմ աշխատում է այդ ուղղությամբ։

«Ես չեմ շտապում եզրակացություններ անել, բայց այն, որ մենք պետք է փորձենք գտնել արդյունավետ հարթակներ տարածաշրջանային երկխոսության համար, դա փաստ է, եւ մենք կփորձենք հնարավորինս արդյունավետ աշխատել այս ուղղությամբ», - ընդգծեց վարչապետը։

Արթուր Խաչատրյանը հրաժարական է ներկայացրել ԱԺ հանձնաժողովի փոխնախագահի պաշտոնից

«Գրքարվեստ» միջազգային մրցույթում Հայաստանը ութ մրցանակ է ստացել

Գագիկ Ջհանգիրյանը հրաժարական է տվել

Պատերազմին առնչվող բազմաթիվ առկախված հարցեր պետք է ստանան իրենց պատասխանները. Արթուր Դավթյան

Որոշում եմ կայացրել հրաժարվել հանձնաժողովի նախագահի տեղակալի պաշտոնից․ Հայկ Մամիջանյան

Հուլիսի 6-ին կգումարվի ԱԺ արտահերթ նստաշրջան

«Որոշել եմ շարունակել իմ գործունեությունը ԱԺ-ում». Թագուհի Թովմասյանը հրաժարական չի տա

ԼՐԱՀՈՍ
practice cover.png