Search

Դատախազությունը գտնվում է երկրի վարչապետի ուղիղ ենթակայության տակ. Հայկ Մարտիրոսյան


Քաղաքագետ Հայկ Մարտիրոսյանը ֆեյսբուքյան իր էջում գրել է. «Դատախազությունը գտնվում է երկրի վարչապետի փաստացի ուղիղ ենթակայության տակ:

Գլխավոր դատախազը, դատելով բոլոր հանգամանքներից, կատարում է վարչապետի ուղիղ հրահանգները:

Բացառված է, որ նման բարձր պրոֆիլի (high profile) քրեականացված, բայց իրականում քաղաքական գործում մեղադրանքները չհանելը և ընդհակառակն` խստագույն պատիժներ պահանջելը լինի ինչ-որ անդեմ և կատարածու շարքային պաշտոնյայի որոշում և չլինի գլխավոր դատախազի ու երկրի վարչապետի անձնական, ամենաուղղակի հրահանգի արդյունք:

Բացառված է:

Օրորոցում սպանված ժողովրդական հեղափոխության համար մեկ դավաճանն այսօրվա ռեժիմի պարագլուխն է, որ արդեն բացահայտ հանդես է գալիս որպես Սերժ Սարգսյանի իրավահաջորդ և Սերժ Սարգսյանի դեմ ապստամբության պատժող:

Որևէ այլ երկրում ժողովուրդը կթքեր նախկին բռնակալի դեմ ապստամբած և իր շահերի համար կյանքը զոհասեղանին դրած մարդկանց` իր իշխանության բերած պատեհապաշտների ձեռքով դատողների իշխանության վրա և դուրս կվռնդեր:

Իսկ մեզանում կան բազում ոչնչություններ, դավաճաններ և ուղեղը լվացվածներ, որոնք անգամ նախկին ռեժիմի կողմից երբևէ չօգտագործված «ահաբեկիչ» բառն են ծածանում:

Խնդիրը դատարանում մեղադրվողները չեն: Խնդիրը իրենց կուսակցությունը չէ: Խնդիրն իրենց կատարած գործողությունը չէ անգամ:

Խնդիրը սկզբունքն է: Այսօրվա ռեժիմի կողմից կատարվողի հակաբարոյական, հակազգային, հակամարդկային և դավաճանական բնույթը»:

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia