Search

«Դասական ոլորտի լուսաբանումը ԶԼՄ-ներում» խորագրով առցանց դասընթաց կկազմակերպվի


«Դասական ոլորտի լուսաբանումը ԶԼՄ-ներում» խորագրով առցանց դասընթաց-քննարկում կիրականացվի սեպտեմբերի 10-ին, ժամը 19։30։ Դասընթացը կազմակերպում է Կամերային երաժշտության ազգային կենտրոնը՝ «ԼՈՖԹ» ինքնազարգացման ու ժամանցի կենտրոնի հետ համագործակցությամբ։ Այն կհեռարձակվի ԿԵԱԿ-ի և «ԼՈՖԹ»-ի պաշտոնական ֆեյսբուքյան էջերով։

Դասընթացը կվարի PR մասնագետ և մշակութային լրագրող Ռոզա Գրիգորյանը, ով 10 ու ավելի տարվա փորձ ունի մշակութային լրագրության և 6 ու ավելի տարվա փորձ մշակութային PR-ի ասպարեզում։ Հատուկ հյուրն է «ԼՈՖԹ» ինքնազարգացման կենտրոնի ստեղծագործական ղեկավար, երաժիշտ Ալեքս Միրզոյանը, ով բազում հաջողված նախագծերի հեղինակ է և ԶԼՄ-ների հետ համագործակցության մեծ փորձ ունի։

Ռոզա Գրիգորյանի խոսքով՝ դասընթացի ընթացքում քննարկվելու է, թե ինչպես է պետք լուսաբանել դասական համերգները, ինչին ուշադրություն դարձնել, ինչպես գրել վերլուծություններ դասական համերգների վերաբերյալ, ինչպես նաև ներկայացվելու է արտերկրի փորձը՝ դասական ոլորտի լուսաբանման վերաբերյալ։ «Դասընթացը նախատեսված է մշակութային լրագրողների, PR մասնագետների, դասական ոլորտի սիրահարների և այլ հետաքրքրված անձանց համար»,-նշում է Ռոզա Գրիգորյանը։

Ալեքս Միրզոյանն ընդգծում է, որ դասընթացի ընթացքում մասնակիցները կծանոթանան այն գործիքներին, որոնցով հնարավոր կլինի ավելի արդյունավետ դարծնել դասական արվեստի լուսաբանանման գործընթացը մեդիայում։

«Պայմանական բաժանելով հանդիպումը՝ կխոսենք մի քանի կարևոր թեմաների մասին, օրինակ՝ դասական արվեստի նախագծի (կամ կառույցի) ստեղծագործական ղեկավարի ու հանրային կապերի մասնագետի համագործակցություն, արվեստի նախագծերը մեդիային հասանելի ներկայացնելու ձևեր և աշխատանքներ, դասական արվեստի նախագծերին մեդիա գործընկերների ներգրավում և այլն»,-նշում է Ալեքս Միրզոյանը։

Մասնակիցները հնարավորություն կունենան իրենց հարցերն ուղղել դասընթացի խոսնակներին ինչպես դասընթացից առաջ, այնպես էլ՝ ընթացքում։

Արման Դիլանյանն ընդունել Պավել Չեպլակին

Հայաստան կժամանի Իրանի Իսլամական Հանրապետության արտաքին գործերի նախարարը

Հարցերի առաջնահերթությունը, որն այսօր պետք է քննարկվի Փաշինյանի հրաժարականն է. Արման Աբովյան

Մեկնարկել են 2021-ի գյուղատնտեսական տարվա համար ապահովագրական պայմանագրերի կնքման աշխատանքները

Վարչապետի մասնակցությանբ քննարկվել են ԱՆ-ի առաջիկա ծրագրերը

Արմեն Սարգսյանի առողջական վիճակում առկա է դրական դինամիկա

Փաշինյանը նոր մեթոդ չի հնարել, ինքն օգտագործել է այդ մեթոդը շատ կեղտոտ ձևով. Վազգեն Մանուկյան

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: