Search

Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները


Դանիան այսօրվանից՝ փետրվարի 1-ից, հանել է բոլոր սահմանափակումները, որոնք մտցվել էին կորոնավիրուսի համավարակի պատճառով։ Երկրում նորից կբացվեն գիշերային ակումբները եւ ռեստորանները, իսկ դիմակ կրելը պարտադիր կլինի միայն հիվանդանոցներ այցելելիս։ Տեղի իշխանությունները նման որոշում են կայացրել պատվաստման բարձր մակարդակով պայմանավորված՝ դանիացիների ավելի քան 60 տոկոսը ստացել է պատվաստման երրորդ չափաբաժինը, այն դեպքում, երբ ընդհանուր առմամբ ԵՄ-ում երկրորդ դեղաչափն ստացել է բնակիչների 45 տոկոսը, տեղեկացնում է AFP-ն։

Դանիայում ամեն օր գրանցվում է COVID-19-ով վարակման մոտ 40-50 հազար նոր դեպք, ինչը կազմում է երկրի բնակչության (5,8 մլն) մոտ 1 տոկոսը։ Առողջապահության տեղի մարմինների գնահատականներով՝ Դանիայի բնակչության 80 տոկոսը պաշտպանված է կորոնվիրուսով հիվանդանալու ծանր ձեւից։ Դանիայի առողջապահության վարչությունը խորհուրդ է տալիս չորս օրով ինքնամեկուսանալ միայն նրանց, ովքեր COVID-19-ի թեստի դրական պատասխան են ստացել։ Նրանց հետ շփված մնացած մարդկանց մեկուսանալ այլեւս պետք չէ։ Մի քանի սահմանափակումներ դեռեւս գործում են երկրի սահմաններին՝ չպատվաստված ճանապարհորդների համար, որոնք գալիս են Շենգենյան գոտու մեջ չմտնող երկրներից, նշում է «Կոմերսանտը»՝ հղում կատարելով AFP-ին։

Դանիայի կառավարությունը չի ծրագրում նորից վերադառնալ սահմանափակումներ մտցնելուն, բայց «զգուշավոր լավատեսություն է պահպանում»։ «Մենք չենք կարող որեւէ երաշխիք տալ, երբ խոսքը վերաբերում է կենսաբանությանը»,- անցած շաբաթ ասել է երկրի վարչապետ Մետե Ֆրեդերիկսենը։

Դանիան Եվրոպայում առաջին երկիրն է, որը հանել է բոլոր սահմանափակումները։ Տարեսկզբից կարանտինային միջոցները թուլացրել են մի քանի այլ երկրներ։ Մասնավորապես, Ավստրիայում փետրվարից չի գործի լոքդաունը չպատվաստվածների համար, իսկ Ֆրանսիայում կչեղարկեն դիմակների պարտադիր կրումը փողոցում եւ հեռավար աշխատանքի անցման անհրաժեշտությունը։

Չեխիան ստանձնել է ԵՄ նախագահությունը

ԱՀ նախագահը մասնակցել է «Շուշիի տեխնոլոգիական համալսարան» հիմնադրամի հոգաբարձուների խորհրդի նիստին

Պուտինին Զելենսկուց գրավոր հաղորդագրություն չեն փոխանցել. Պեսկով

ՆԱՏՕ-ն վերադարձել է Սառը պատերազմի ժամանակների անվտանգության սխեմաներին

ԳԱԱ Կենդանաբանության և հիդրոէկոլոգիայի գիտական կենտրոնի տնօրենի պաշտոնում ընտրվեց Սարգիս Աղայանը

Մոսկվային եւ Մինսկին միավորման գործընթացների արագացման են դրդրում. Պուտին

Ամենայն Հայոց Կաթողիկոսության ներկայացուցիչները մեկնել են Անթիլիաս

ԼՐԱՀՈՍ
practice cover.png