Search

Գախարիայի և Փաշինյանի տարբերությունը. Էլինար Վարդանյան


Վրաստանի վարչապետը վարվեց մեր կառավարության ճիշտ հակառակ տրամաբանությամբ։ Ի տարբերություն Փաշինյանի, նա վարվեց որպես պետական գործիչ, առաջնորդվեց պետության շահերով եւ ոչ թե գավառական պատկերացումներով, անձնական շահերով։ Այս մասին Ֆեյսբուքի իր էջում գրել է Այլընտրանքային նախագծեր խմբի անդամ Էլինար Վարդանյանը։

Նա, մասնավորապես, գրել է․

«Գախարիայի եւ Փաշինյանի տարբերությունը

Վրաստանի վարչապետ Գեորգի Գախարիան հրաժարական է ներկայացրել։ Հրաժարականի պատճառը քաղաքական թիմի հետ տարաձայնություններն են՝ կապված ընդդիմադիր գործչի ձերբակալության հետ։ Գեորգի Գախարիան հրաժարական ներկայացրեց, քանի որ դեմ էր ընդդիմադիրների նկատմամբ հետապնդումներին։ Հրաժարական ներկայացրեց, քանի որ դեմ էր երկրում բեւեռացմանը։ Հրաժարական ներկայացրեց, քանի որ չէր ուզում երկիրը տանել առճակատումների եւ ցնցումների եւ քաջ գիտակցում էր, որ բեւեռացումն ու առճակատումը ամենամեծ ռիսկն է երկրի զարգացման եւ բոլոր տեսակի ճգնաժամերի հաղթահարման ճանապարհին։

Գախարիան վարվեց մեր կառավարության ճիշտ հակառակ տրամաբանությամբ։ Ի տարբերություն Փաշինյանի, նա վարվեց որպես պետական գործիչ, առաջնորդվեց պետության շահերով եւ ոչ թե գավառական պատկերացումներով, անձնական շահերով։ Այդպես են կառուցվում պետությունները։

Օբյեկտիվորեն չէր կարող երկուսուկես տարի հասարակությունը բզկտած, բանակցությունները ձախողած, երկիրը պատերազմի հասցրած, Շուշին եւ Հադրութը հանձնած, հազարավոր զոհերի եւ վիրավորների համար պատասխանատուն շարունակել պաշտոնավարել։

Սակայն այդքանը գիտակցելու համար պետք է լինել պետական գործիչ եւ ոչ թե գավառական թերթի գրչակ։ Դրանում է Գախարիայի եւ Փաշինյանի տարբերությունը»։

ՀՀ նախագահն ամուր է կանգնած, բայց իր ամրությունը կախված է նաև մեր ամրությունից. Վազգեն Մանուկյան

Հաջորդ հանրահավաքը կլինի մարտի 3-ին, ժամը 16-ին. Բաղրամյան պողոտան փակ է մնալու

Մարուքյանը Փաշինյանից ապացույց է պահանջում

ՀՀ պաշտպանության նախարարն այցելել է 5-րդ զորամիավորում

Ադրբեջանի հրաժարումը ռազմագերու կարգավիճակ տալ գերեվարված հայ զինվորներին՝ իրավունքի կոպիտ խախտում է

Այն, ինչ այսօր կատարվում է Երևանի գլխավոր հրապարակում, այլ եզրահանգման հնարավորություն չի թողնում

Սահմանի ողջ երկայնքով սահմանային միջադեպեր չեն արձանագրվել

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: