Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում:

ԼՐԱՏՎՈՒԹՅՈՒՆ
ԽՄԲԱԳՐՈՒԹՅՈՒՆ

© 2019 by Anews.am

Yerevan, Armenia

Search

Գագիկ Հարությունյանը հրաժարական է տվել


Բարձրագույն դատական խորհրդի (ԲԴԽ) նախագահ Գագիկ Հարությունյանը հրաժարականի դիմում է ներկայացրել: Այս մասին իր ֆեյսբուքյան էջում հայտնում է ԲԴԽ մամուլի քարտուղար Արման Խաչատրյանը:

«Բարձրագույն դատական խորհրդի հարգարժան անդամներ, նկատի ունենալով դատական իշխանության և դատավորների առնչությամբ ընթացող զարգացումները և այդ առիթով մայիսի 20-ին մամուլով իմ կողմից արտահայտած մտահոգությունները՝ այլևս նպատակահարմար չեմ համարում իմ հետագա աշխատանքը Բարձրագույն դատական խորհրդի նախագահի և Խորհրդի անդամի կարգավիճակներում», - իր դիմումում գրել է Հարությունյանը՝ խնդրելով իր լիազորությունները այսօրվանից համարել դադարած:

«Ձեզ մաղթում եմ հետագա բեղմնավոր գործունեություն՝ իրավական պետությանը պատշաճող անկախ դատական դատական իշխանության կայացման գործում», - ասված է Գագիկ Հարությունյանի դիմումում:

Նա նաև խոստանում է Հայաստանի, Արցախի և Սփյուռքի հայրենակիցներին «տարիներով կուտակ» ասելիքը ներկայացնել հաջորդիվ:

«Վստահ եմ, որ այսուհետ բավարար ժամանակ կունենամ՝ հատկապես միջազգային մասնագիտական գործակցության շրջանակներում առավել ակտիվ գործունեություն ծավալելու համար՝ ի բարօրություն հայ ժողովրդի: Աստված պահապան մեր երկրին ու ժողովրդին», - գրում է Գագիկ Հարությունյանը: