Բլինքենը կմեկնի Ճապոնիա՝ հարգանքի տուրք մատուցելու Սինձո Աբեին
Միացյալ Նահանգների պետքարտուղար Էնթոնի Բլինքենը հաջորդ շաբաթ կարճատեւ ցավակցական այցով կմեկնի Ճապոնիա՝ նախկին վարչապետ Սինձո Աբեի սպանությունից հետո՝ ի նշան սպանված առաջնորդի հարգանքի։
ԱՄՆ-ի Պետդեպարտամենտը հայտնել է, որ 60-ամյա Բլինքենը երկուշաբթի օրը մեկնելու է Տոկիո՝ հարգանքի տուրք մատուցելու նախկին վարչապետին, որտեղ հնարավորություն կունենա նաեւ, նախքան Վաշինգտոն վերադառնալը՝ հանդիպել ճապոնացի բարձրաստիճան պաշտոնյաների հետ:
Հայտնի է, որ Բլինքենը գտնվում է Թաիլանդում, իսկ ավելի վաղ մեկնել էր Ինդոնեզիա՝ Բալիում կայացած «Մեծ քսանյակի» արտգործնախարարների հանդիպմանը մասնակցելու:
Աբեի մահվան մասին հայտարարությունից հետո Բլինքենը Բալիում հանդիպել է Ճապոնիայի արտաքին գործերի նախարար Հայաշի Յոշիմասային եւ Հարավային Կորեայի արտգործնախարար Պակ Ջինին՝ վերանայելու համատեղ ռազմավարությունը՝ հատկապես Հյուսիսային Կորեայի հարցում:
Commentaires