Search

Բերդի պետական քոլեջին նվիրաբերվել է 25,000 ԱՄՆ դոլարի գործիքներ

ArmeniaTools4Schools կազմակերպության ֆինանսավորմամբ Տավուշի մարզի Բերդի պետական բազմագործառութային քոլեջը համալրվել է 25,000 ԱՄՆ դոլար արժողությամբ վերջին սերնդի տասնյակ գործքիներով՝ հնարավորություն տալով հարյուրավոր ուսանողների սովորել իրենց մասնագիտությունը ժամանակի պահանջներին համապատասխան։ Այս աջակցության շնորհիվ քոլեջում կգործարկվի զոդման բաժինը, նոր տեխնոլոգիաներ կստանան փականակագործները, իսկ կարուձևի բաժնի ուսանողները կկրկնապատկեն իրենց գործիքների բազան։ «Այս գործիքներից մենք չունեինք, և մեր քոլեջի համար շատ կարևոր էր ստանալ դրանք։ Այժմ մենք հնարավորություն ունենք ուսանողներին տալ կրթություն և հմտություններ, որոնք կլինեն ժամանակակից և պահանջված։ Մենք ունենք լավ ուսուցիչներ, բայց գործիքներ չունենալու պատճառով չէինք կարողանում ժամանակակից կրթություն տրամադրել։ Այժմ այդ խնդիրը լուծված է», ասում է Աննա Ավալյանը։ Բերդի պետական բազմագործառութային քոլեջը ձևավորվել է Բերդի արհեստագորածական ուսումնարանի և Բերդի պետական քոլեջի միավորման արդյունքում։ Քոլեջի ուսանողներն աշխատում են մարզի գյուղերում։ Միավորման արդյունքում քոլեջում այժմ սովորում է 210 աշակերտ։ Եթե նախկինում նկատվում էր ուսանողների թվի նվազում, ապա Աննա Ավալյանն այժմ հույս ունի, որ այս գործիքների շնորհիվ ուսանողներն ավելի հետաքրքրված կլինեն սովորել Բերդի պետական բազմագործառութային քոլեջում։ ArmeniaTools4Schools-ը շահույթ չհետապնդող բարեգործական կազմակերպություն է, որի նպատակն է աջակցել Հայաստանի արհեստագործական քոլեջներին և ուսումնարաններին: Կազմակերպությունը տեղակայված է ԱՄՆ-ի Հյուսիսային Կարոլինա նահանգի Ռալի քաղաքում։ «Հպարտ ենք օգնել Բերդի զարգացմանը։ Մեզ համար անչափ կարևոր է, որպեսզի ուսանողները լավ կրթություն ստանան և ունենան անհրաժեշտ գործիքներ սկսելու իրենց մասնագիտական գործունեությունը։ Առաջիկայում պատրաստվում ենք ընդլայնել մեր գործունեությունը և աշխատել այլ մարզերում և Արցախում», ասում է կազմակերպության նախագահ Ջորջ Բուրնազյանը։ Գործքիները նվազված գնով տրամադրել է ամերիկյան հանրահայտ Knight Electronics ընկերությունը։ «Ես ճանաչում եմ Ջորջ Բուրնազյանին 15 տարի և երբ նա պատմեց իր պլանների մասին՝ օգնելու Հայաստանի արհեստագործական ուսումնարաններին, մենք ուրախությամբ միացանք այս նախաձեռնությանը», ասում է Knight Electronics ընկերության տնօրեն Ջոն Նայթը:

Արա Այվազյանը հանդիպել է Ֆրանսիայի արտաքին գործերի պետքարտուղարի հետ

Մահացել է Եղիշե Չարենցի թոռնուհին

Հաստատվել է կորոնավիրուսով վարակման 1248 և մահվան 31 նոր դեպք

Նոյեմբերի 9-ին կապիտուլյացիայից հետո ձեր իշխանությունն ապալեգիտիմացվել է նաև դրսում. Աշոտյան

Երկիր ենք կորցրել և օրեցօր շարունակում ենք մնացածը նույնպես կորցնել. Իշխանյան

Փենսիլվանիայի դատարանը մերժել է նախագահական ընտրությունների արդյունքների հետ կապված Թրամփի բողոքը

«Փաստ». Ի՞նչ բանագնացներ է ուղարկել Նիկոլ Փաշինյանը Արթուր Վանեցյանի մոտ

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: