Բայդենը և Սունակը G20-ի գագաթաժողովում քննարկել են Լեհաստանում հրթիռի հետ կապված միջադեպը

ԱՄՆ նախագահ Ջո Բայդենը եւ Մեծ Բրիտանիայի վարչապետ Ռիշի Սունակը Բալի կզղում ընթացող G20-ի գագաթաժողովում երկկողմ բանակցություններ են վարել։ Նրանց հանդիպման թեմաների մասին նշել է Սպիտակ տան մամուլի ծառայությունը։ «Առաջնորդները քննարկել են Ուկրաինային Ռուսաստանի հասցրած հարվածները եւ ընդգծել, որ իրենց կառավարությունները վճռականորեն աջակցում են Ուկրաինային»,- տեղեկացրել են Վաշինգտոնում։ Ծառայության տեղեկացմամբ՝ քաղաքական գործիչները քննարկել են նաեւ Լեհաստանի տարածքում ընկած հրթիռի միջադեպը եւ աջակցություն հայտնել իրականացվող հետաքննությանը։ Բացի այդ, Բայդենը եւ Սունակը անդրադարձել են կլիմայական ճգնաժամի հաղթահաման թեմային եւ գլոբալ մի շարք այլ հարցերի, այդ թվում Չինաստանի մարտահրավերներին։