Search

Բալթյան երկրներն իրենց տարածքում դաշինքի ուժերն ուժեղացնելու առաջարկներ են ներկայացրել ՆԱՏՕ-ին


Բալթյան երեք երկրներ մի շարք առաջարկներ են ներկայացրել ՆԱՏՕ-ին այն մասին, թե ինչպես ուժեղացնել Հյուսիսատլանտյան դաշինքի աջակցությունը մեր երկրների տարածքում, հայտնում է ERR.ee էստոնական տեղեկատվական պորտալը։

«Էստոնիան ցանկանում է, որպեսզի Բալթյան երկրներից յուրաքանչյուրի եւ Եվրամիության ամբողջ արեւելյան թեւի ռազմական ստորաբաժանումների մակարդակով հստակ հրամանատարական կառույց ստեղծվի: Եւ բացի այդ, մենք ցանկանում ենք, որ այն դաշնակից երկրները, որոնք արդեն գտնվում են Էստոնիայում, էլ ավելի մեծացնեն դաշինքի կողմից ռազմական ուժերի ծավալն Էստոնիայում։ Եւ եւս մի ասպեկտ է բալթյան երկրների տարածքում ՆԱՏՕ-ի լրացուցիչ պաշտպանական ուժերի տեղակայումը»,- ասել է պաշտպանության փոխնախարար Թուուլի Դունեթոնը։

ՆԱՏՕ-ի կոնկրետ առաջարկները չեն կարող հրապարակվել: Պաշտպանության նախարարությունը կարծում է, որ Էստոնիայի խնդրանքները որոշ չափով հաշվի են առնվում, բայց՝ ոչ դրանց սկզբնական տեսքով։

«Եթե ՆԱՏՕ-ն նայում է մեծ պատկերին, ապա, այո, դաշինքի բոլոր ուժերը բաշխված են հավասարապես, սակայն ագրեսիայի սպառնալիքը նույնը չէ ՆԱՏՕ-ի բոլոր երկրների համար, ուստի անհրաժեշտ է ամրապնդել այն տեղերը, որոնք ավելի խոցելի են։ Մենք ցանկանում ենք, որ դաշինքի ուժերի դիրքորոշումը զսպողից պաշտպանական դառնա։ Դա նշանակում է, որ մենք կկարողանանք ամենաարդյունավետ կերպով արձագանքել ցանկացած տեսակի ագրեսիայի»,- ասել է վարչապետ Կայա Կալլասը։

Արտաքին գործերի նախարար Եվա-Մարիա Լիիմեցը հաստատել է, որ այս պահին վերջնական որոշումներ չկան։ Նրա խոսքով՝ դաշինքի անդամները համաձայն են, որ առկա սպառնալիքների գնահատումները պետք է վերանայվեն եւ նոր լուծումներ առաջարկվեն։

Շաբաթ օրը ՆԱՏՕ-ի երկրների արտգործնախարարները կհանդիպեն Բեռլինում՝ դաշինքի Մադրիդյան գագաթաժողովի համար առաջարկների նախապատրաստման համար:

Չեխիան ստանձնել է ԵՄ նախագահությունը

ԱՀ նախագահը մասնակցել է «Շուշիի տեխնոլոգիական համալսարան» հիմնադրամի հոգաբարձուների խորհրդի նիստին

Պուտինին Զելենսկուց գրավոր հաղորդագրություն չեն փոխանցել. Պեսկով

ՆԱՏՕ-ն վերադարձել է Սառը պատերազմի ժամանակների անվտանգության սխեմաներին

ԳԱԱ Կենդանաբանության և հիդրոէկոլոգիայի գիտական կենտրոնի տնօրենի պաշտոնում ընտրվեց Սարգիս Աղայանը

Մոսկվային եւ Մինսկին միավորման գործընթացների արագացման են դրդրում. Պուտին

Ամենայն Հայոց Կաթողիկոսության ներկայացուցիչները մեկնել են Անթիլիաս

ԼՐԱՀՈՍ
practice cover.png