Search

Արցախի պետնախարարը Հայ Օգնության Ֆոնդի ներկայացուցչի հետ քննարկել է առողջապահական որոշ ծրագրեր


Արցախի Հանրապետության պետական նախարար Արտակ Բեգլարյանը, առողջապահության նախարար Միքայել Հայրիյանի հետ միասին, դեկտեմբերի 15-ին ընդունել է Հայ Օգնության Ֆոնդի Հայաստանի մասնաճյուղի փոխտնօրեն, առողջապահական ծրագրերի ղեկավար Համբարձում Սիմոնյանին:

Արցախի կառավարությունից հայտնում են, որ պետական նախարարը բարձր է գնահատել Հայ Օգնության Ֆոնդի` Արցախին ուղղված մեծածավալ աջակցությունը և պատրաստակամություն հայտնել առաջիկայում ևս սատարել կառույցի հայրենաշեն նախաձեռնություններին:

«Հայ օգնության ֆոնդը նշանակալի ներդրում ունի Արցախի վերականգնման ու զարգացման գործում: Ի թիվս այլ ծրագրերի, հատկանշական են առողջապահական միանգամյա ու շարունակական ծրագրերը, որոնցից կուզեի առանձնացնել հատկապես բուժաշխատողների վերապատրաստման ծրագրերը»,- ընդգծել է Արտակ Բեգլարյանը:

Անդրադարձ է կատարվել ընթացիկ ու նախատեսվող ծրագրերին, մասնավորապես՝ առողջապահության նախարարության հետ իրականացվող «Բժիշկներ Արցախի համար» ծրագրին, ինչի արդյունքում ՀՀ-ից շուրջ 30 բժիշկ իր ծառայություններն է մատուցել բնակչությանը Հանրապետության տարբեր բնակավայրերում:

«Վստահեցնում եմ, որ ծրագիրն իր շարունակությունը կունենա՝ հաշվի առնելով առկա պահանջարկը: Իհարկե, ցանկալի կլինի, որ Արցախում բոլոր բուժհաստատությունները համալրված լինեին անհրաժեշտ մասնագետներով, որ մենք զբաղվենք նրանց միայն կրթության հարցերով: Շարունակվելու են նաև աջակցության մյուս ծրագրերը, այդ թվում՝ համակարգն անհրաժեշտ սարքավորումներով համալրելու գործընթացը»,- նշել է Համբարձում Սիմոնյանը:

Պետական նախարարը շնորհակալություն է հայտնել ՀՕՖ-ին շարունակական աջակցության համար՝ վերահաստատելով Արցախի զարգացման գործում յուրաքանչյուր հայի ներդրումի և նվիրումի անհրաժեշտությունը:

Հանդիպում ուսանողական ինքնակառավարման մարմինների նախագահների և կուրսերի ավագների հետ

Հուլիս ամսվա կենսաթոշակների վճարումը կսկսվի հուլիսի 4-ից

Ռուսաստանը չեղարկել է Ղրղըզստանի 47 հազար քաղաքացիների մուտքի արգելքը

Իվետա Տոնոյանը նշանակվել է ԲՀԿ աշխատակազմի ղեկավար

Հայաստան կժամանի Հնդկաստանի ԱԳՆ Արևմտյան ուղղության քարտուղարը

Սպասվում է անձրև և ամպրոպ. օդի ջերմաստիճանը կնվազի

Հանդես ենք գալու նոր նախաձեռնությամբ․ ԱԱԾ պահեստազորի սպաների միություն

ԼՐԱՀՈՍ
practice cover.png