Արայիկ Հարությունյանը նոր պարգևներ է հանձնել

Արցախի Հանրապետության նախագահ Արայիկ Հարությունյանի հրամանագրով ծառայողական պարտականությունները բարեխղճորեն կատարելու, ծառայության ընթացքում բարձր արդյունքների հասնելու համար և Արցախի Հանրապետության հռչակման 29-րդ տարեդարձի կապակցությամբ «Երախտագիտություն» մեդալով են պարգևատրվել ԱՀ ոստիկանության կադրերի բաժնի պետ, ոստիկանության գնդապետ Արմեն Բաղրյանը, ԱՀ ոստիկանության Ստեփանակերտ քաղաքի վարչության պետի ծառայության գծով տեղակալ, ոստիկանության փոխգնդապետ Միքայել Գաբրիելյանը և ԱՀ ոստիկանության Մարտունու շրջանային բաժնի պետ, ոստիկանության մայոր Սուրեն Դանիելյանը։