Search

Ավինյանն ընդունել է ՀՀ-ում Շվեդիայի նորանշանակ դեսպան Պատրիկ Սվենսոնին


Փետրվարի 10-ին ՀՀ փոխվարչապետ Տիգրան Ավինյանն ընդունել է ՀՀ-ում Շվեդիայի նորանշանակ դեսպան Պատրիկ Սվենսոնին:

Փոխվարչապետը շնորհավորել է դեսպանին ՀՀ-ում դիվանագիտական ծառայության մեկնարկի կապակցությամբ և հաջողություններ մաղթել՝ ի նպաստ հայ-շվեդական հարաբերությունների զարգացման:

Դեսպան Սվենսոնը շնորհակալություն է հայտնել ընդունելության համար՝ նշելով, որ Հայաստանում Շվեդիայի ռեզիդենտ դեսպանի հավատարմագրումը նոր հնարավորություններ է բացում երկու երկրների համագործակցության ընդլայնման ու խորացման համար:

Տիգրան Ավինյանն անդրադարձել է Հայաստանում շարունակաբար իրականացվող ժողովրդավարական բարեփոխումներին և այս առումով երախտագիտություն հայտնել Շվեդիային ցուցաբերած աջակցության համար:

Բացի երկկողմ մակարդակում առկա համագործակցությունից՝ անդրադարձ է կատարվել նաև Արևելյան գործընկերության շրջանակներում համագործակցությանը և ԵՄ-ի հետ Հայաստանի հարաբերությունների հետագա զարգացմանը:

Կողմերը քննարկել են անվտանգային հարցերը, այդ թվում՝ Արցախի դեմ Ադրբեջանի սանձազերծած պատերազմից հետո ստեղծված իրադրությունը, արցախյան հիմնախնդրի կարգավորման գործընթացը և հայ գերիների շուտափույթ վերադարձի անհրաժեշտությունը:

Փոխվարչապետը ներկայացրել է Հայաստանում տնտեսական բարեփոխումների ընթացքը՝ շեշտելով նախորդ շաբաթ ՀՀ կառավարության նիստում ընդունված «Տնտեսական արձագանքման ծրագրի» նշանակությունը: Այս համատեքստում նա կարևորել է Շվեդիայի հետ ակտիվ երկխոսությունը՝ նոր ներդրումներ ներգրավելու, գիտության ու նորարարության ոլորտում համագործակցության, բարձր տեխնոլոգիաների զարգացման առումով: Կարևորվել են նաև կայուն զարգացման ուղղությամբ իրականացվող ծրագրերը:

Մանրամասն անդրադարձ է եղել հանրային կառավարման բարեփոխումներին, մասնավորապես՝ հանրային ծառայությունների թվայնացման ոլորտում համագործակցության հնարավորություններին: Կողմերը քննարկել են նաև առողջապահության ոլորտում գործընկերության խորացման հեռանկարները:

Պաշտոնական այցով Հայաստան է ժամանել Լիտվայի նախագահ Գիտանաս Նաուսեդան

Ակցիաների մասնակիցների և Ոստիկանության փոխգործակցությունը հիմնականում կրել է օրինակելի բնույթ․ ՄԻՊ

ՀՀ ԶՈւ ստորաբաժանումները չեն գնդակոծել ադրբեջանական մարտական դիրքերը․ ՊՆ

«Դիմադրություն» շարժման հանրահավաքը՝ Ֆրանսիայի հրապարակում

Ադրբեջանը միտումնավոր թաքցնում է հայ ռազմագերիների և գերեվարված քաղաքացիական անձանց թիվը. Արցախի ՄԻՊ

Լավրովը Իրանի ԱԳ նախարարի հետ քննարկել է միջուկային գործարքի վերականգնման հեռանկարները

Մեկ օրում բացահայտվել է 64 հանցագործություն. գրանցվել է 9 ավտովթար

ԼՐԱՀՈՍ
practice cover.png