Search

Աշխարհում հայ ազգային շահը պաշտապանողը մենք ենք . Տարոն Սիմոնյան


ԱԺ «Լուսավոր Հայաստան» խմբակցության պատգամավոր Տարոն Սիմոնյանը գրել է. «Բառիս բուն իմաստով մենք ապրում ենք ազգի գոյապահպանության և կյանքի վերաիմաստավորման ամենակարևոր ճյուղավորման կետում։

Սա ոչ այնքան ռազմի դաշտում է, որքան մեր ուղեղներում։ Պատմության բոլոր օրինաչափություններով մենք՝ որպես պետականություն ունեցող ազգ, արդեն չպիտի գոյություն ունենայինք, ինչպես պատմության թատերաբեմից հեռացած շատ հին ազգեր։

Սակայն մենք ԿԱՆՔ, որովհետև դեռ կիսատ գործ ունենք անելու, որովհետև մենք վերջին 3000 տարում դեռ չենք ստեղծել զգայականից ազատ պետություն, որ ունակ կլինի ոչ միայն տալ հայ մարդկանց կյանքի կազմակերպման ինքնաբավ միջավայր, այլև արտահանել այն։

Հազարամյակների ու հարյուրամյակների հիշողության այս ծանրության տակ այսօր կանգնած ենք ճամփաբաժանին։ Ուզո՞ւմ ենք ապրել որպես պետականություն, ասել է թե՝ գիտակցություն ունեցող ազգ, թե ուզում ենք պարզապես ապրել... ինչ էլ որ դրա անունը լինի...

Ես չեմ պատկերացնում կյանք՝ առանց գիտակցության, և չեմ պատկերացնում ազգը՝ առանց պետականության։

Իսկ այսօր իմ ազգին զրկում են պետականությունից, իսկ ավելի ճիշտ՝ պետականություն ունենալու ցանկությունից։ Դա անում են հետևողականորեն ու մեր ձեռքով՝ սոցիալական ցանցերում հայ մարդուն վիրավորող վայրահաչող մոլագարներն ու ապրելու մեր իրավունքը, մեր արժանապատվությունն այլ ուժերով թվացյալ պաշտպանելուն ուղղված ապիկար մարդկանց ձղաձգումներով...

Մենք ունենք և ունենալու ենք պետականություն, ավելին՝ ունենք ազգային ծրագիր ու առաքելություն։

Իսկ այսօր պետք է գիտակցենք ակնհայտ ճշմարտություններ և աշխատացնենք մեր ուղեղն ու մկանները.

Հայաստանի ու Արցախի Հանրապետություններում հայ ազգի գոյության միակ գրավականն ուժեղ բանակն է, այսինքն՝ մենք և մեր զինված ուժերը... ուրիշ ոչ ոք, ո՛չ մի պետություն, ո՛չ մի միություն, ո՛չ մի պայմանագիր, ՈՉԻՆՉ և ՈՉ ՈՔ...

Կորսված է ամեն օր, եթե մենք դա չենք օգտագործում բանակն ուժեղացնելու համար։

Աշխարհում հայ ազգային շահը պաշտապանողը մենք ենք և մեր պետական մարմինները... ուրիշ ոչ ոք, ո՛չ մի պետություն, ո՛չ մի միություն, ո՛չ մի պայմանագիր, ՈՉԻՆՉ և ՈՉ ՈՔ ... Կորսված է ամեն օր, եթե մենք դա չենք օգտագործում պետական մարմիններն ուժեղացնելու համար։

Մեզնից յուրաքանչյուրը մեկ կյանք ունի, իսկ այդ կյանքը չի կարող իրական լինիել, ավելին՝ երջանիկ լինել առանց Հայաստանի Հանրապետության և Արցախի Հանրապետության կամ միավորված ՀԱՅՔԻ...

Ինչքան էլ փորձեք ինքներդ ձեզ համոզել կամ խաբել, չի ստացվելու։

Հետևաբար, միմյանց անիծելու ու գրողի ծոցն ուղարկելու փոխարեն աշխատեք ամեն օր, ամեն ժամ ու րոպե՝ հանուն ազգային առաքելության ու հանուն Հայաստանի և Արցախի Հանրապետությունների...

Այլ տարբերակ չկա. ներսից է լինելու փրկությունը (մեր մտածողությունից)...»:

Զախարովան մեկնաբանել է Նավալնիի վերաբերյալ Գերմանիայի պատասխանը

ՀԴԲ-ն հետաքննում է Կապիտոլիումի մոտ անկարգությունների գործում այլ կառավարությունների մասնակցությունը

Գերմանիայի իշխանությունները թույլատրել են «Հյուսիսային հոսք-2»-ի հետագա կառուցումը

Աֆղանստանի Գերագույն դատարանի երկու կին դատավոր սպանվել

Քաղաքական դաշտը, դատաիրավական համակարգը պիտի ենթարկվի լյուստրացիայի. Նաիրա Զոհրաբյան

Իմ հանձնարարությամբ նորից ընթացք է ստացել արտամարմնային բեղմնավորման պետական ծրագիրը. ԱՀ նախագահ

Հայտնաբերվել է 3 զոհված զինծառայողի աճյուն. Արցախի ԱԻՊԾ

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: