Search

Աշխարհով մեկ բողոքի ցույցեր եւ հավաքներ իրականացնել. ՀՅԴ Բյուրոյի հայտարարությունը


Այսօր եւս մեկ անգամ Հայաստանն ու հայությունը ականատես եղան Ադրբեջանի արհեստածին Հանրապետութեան նկրտումներին, որին, ցաւօք, զոհ գնացին մեր ազգի արիագոյն տղաները, բռնագրաւուեցին պետութեան տարածքներ։ Այս մասին հայտարարություն է տարածել ՀՅԴ բյուրոն:

Հայտարարությունում նաեւ ասվում է. «Ո՛չ միայն աշխարհը գիտի, այլ ամէնից լաւ հէնց ինքը՝ Ադրբեջանն է գիտակցում, որ եթէ չլինէին ու չլինեն շահագրգիռ տարբեր երկրների ու ուժերի անմնացորդ հովանաւորութիւնը՝ ինքը ոչինչ է հայ զինուորի բազկի առջեւ։

Հայութիւնը՝ ի Հայաստան եւ ի Սփիւռս աշխարհի, պարտաւոր է ազգային բարձր գիտակցութեամբ համախմբուել, բռունցք դառնալ, բոլորանուէր աջակցել հայոց բանակին եւ ամէնուրէք պաշտպանել Հայաստանի եւ հայութեան շահերը՝ ընդդէմ Ադրբեջանի, Հայոց ցեղասպանութիւնն իրականացրած եւ մեր հայրենիքի մեծ մասը զաւթած Թուրքիայի եւ նրանց տարատեսակ հովանաւորների։ Ազգային միասնականութեամբ պէտք է մերժել ՀՀ իշխանաւորների կողմից Հայաստանի պետութեան ազգային եւ հայութեան շահերի դէմ՝ թշնամիների հետ ստորագրուած ցանկացած նոր փաստաթուղթ։

Խոր ցաւով ենք արձանագրում կրկին, որ Հայաստանի եւ հայութեան գլխին եկած վերջին պատուհասը՝ արդիւնքն է ՀՀ իշխանութեան տհաս, անհեռատես, պարտուողական եւ մեծամիտ մտայնութեան եւ քաղաքականութեան, որը ոչ միայն անընդունելի, այլ դատապարտելի է։ Պէտք է վերջ տալ ազգը պառակտելու քաղաքականութեանը, ինչպէս նաեւ՝ արտաքին դաշնակիցների ու գործընկերների հետ երկիմաստ եւ ոչ-պատշաճ ընթացակարգերով յարաբերուելու վարքագծին։ Պէտք է մանաւանդ յետ կանգնել թշնամիների հետ զիջողական, հայրենավնաս քայլերից։

Կոչ ենք ուղղում բոլոր արդարամիտ ու տարածաշրջանի իսկական խաղաղութեամբ նախանձախնդիր պետութիւններին դատապարտել Ադրբեջանի յարձակումները Հայաստանի վրայ եւ քայլեր ձեռնարկել դրանց առաջն առնելու համար։

Կոչ ենք ուղղում ՄԱԿ-ին, Ընկերվար միջազգայնականին եւ միջազգային Մարդկային իրաւանց բոլոր կազմակերպութիւններին, եթէ տակաւին հաւատարիմ են իրենց արժէքներին եւ յայտարարած համոզումներին, բողոքի ձայն բարձրացնել հայութեան դէմ կատարուող անարդարութիւնների նկատմամբ։

Յանձնարարում ենք մեր Հայ Դատի բոլոր գրասենեակներին եւ յանձնախմբերին՝ պատկան երկրների ներկայացուցիչներին բացատրել իրականութիւնը, պահանջել աներկբայ դատապարտում, եւ նոր թափ հաղորդել Հայ Դատի պայքարին։

Եւ ի վերջոյ, կոչ ենք ուղղում վերջին ամսուան ընթացքին աշխարհով մէկ բողոքի ցոյցեր եւ հաւաքներ իրականացնող հայ երիտասարդութեանը՝ չհիասթափուել, զինուել յարատեւ պայքարի ոգով եւ վճռակամ ու միասնական ճիգերով պաշտպանել հայրենիքը եւ աներեր հետապնդել Հայ ազգի անժամանցելի եւ արդար իրաւունքների պաշտպանութիւնն ու ձեռքբերումը։

Լուրե

Լեռնային Ղարաբաղը երբեք չի կարող Ադրբեջանի մաս լինել. EAFJD

Օդի ջերմաստիճանը աստիճանաբար կնվազի 6-9 աստիճանով. եղանակը Հայաստանում

«Սրանք այն կետերն են, որը պետք է հրպարակային հնչեցնի Հայաստանի ղեկավարը Ալիևի հետ հանդիպմանը»

Անհայտ ծագումնաբանության սուր, ծանր հեպատիտների դեպքերն երեխաների շրջանում շարունակվում են

Հայաստանը պետք է պարզաբանի՝ ինչ նկատի ունի Արցախի վերջնական կարգավիճակի մասին խոսելով

Արցախի Մարտակերտ քաղաքում ընդդիմությանը աջակցող հավաք է անցկացվել

Հայաստանի առջև կանգնած մարտահրավերները և լուծումները թեմայով քննարկում Ֆրանսիայի հրապարակում

ԼՐԱՀՈՍ
practice cover.png