Search

Այս պահին չունենք որևէ համաձայնություն որևէ հարցի վերաբերյալ. Էդմոն Մարուքյան


Խոսել ենք գլխավոր շտաբի պետի հետ կապված խնդրի, զինված ուժերի քաղաքականացման եւ այդ ֆոնին արտահերթ ընտրություններ անցկացնելու մասին:Այս մասին, այսօր՝ մարտի 4-ին, վարչապետ Նիկոլ Փաշինյանի հետ հանդիպումից հետո լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը

«Որովհետեւ մենք տեսնում ենք, որ երկրում եղած ճգնաժամին գումարվել է նաեւ Գլխավոր շտաբի խնդիրը: Այս պահին չունենք որեւէ համաձայնություն որեւէ հարցի վերաբերյալ: Որքան հասկանում եմ՝ կլինի հանդիպում նաեւ ԲՀԿ-ի ղեկավար Գագիկ Ծառուկյանի հետ, որովհետեւ միայն մեր դիրքորոշումով պրոցեսները չեն կարող առաջ գնալ եւ խորհրդարանը չի կարող ցրվել:

Հետեւաբար, երբ տեղի կունենա ԲՀԿ-ի հետ հանդիպումը կամ ԲՀԿ-ի դիրքորոշումը պարզ կլինի, նորից կլինեն բանակցություններ: Այս պահին որեւէ հարցով չունենք համաձայնություն, բայց այն, որ մենք պետք է խոսենք, ճանապարհներ գտնենք երկրում ստեղծված այս վիճակից դուրս գալու համար, այդ հարցում ունենք հասկացվածություն»,-ասաց նա:

Հարցին, թե ինչու համաձայնություն չի կայացել, Մարուքյանը պատասխանեց. «Պետք է շարունակել խոսել. Ամենակարեւոր հանգամանքը հետեւյալն է, որ ես շատ եմ մտահոգված ԶՈՒ գլխավոր շտաբի ղեկավարության եւ կառավարության միջեւ եղած այս պրոցեսով: Որեւէ ձեւով զինված ուժերը մենք չպետք է քաղաքականացնենք: Ես ասում էի՝ եկեք զինված ուժերը թողնենք իր տեղում, գնանք ընտրությունների: Այստեղ ընտրությունները ամենահիմնարար հարցն են, որովհետեւ եթե ընտրություններ տեղի չեն ունենում, մենք չենք կարող ճգնաժամից դուրս գալ»:

Նա ընդգծեց, որ բանակցությունները շարունակելու կամք ունեն եւ իրենք, եւ վարչապետը. «ԲՀԿ-ի կամքն էլ կերեւա, որից հետո կշարունակենք խոսել»:

Մաւոքյանը նկատեց, որ եթե իրենք հրաժարվում են վարչապետի թեկնածու առաջադրելու մոտեցումից, բայց խորհրդրանական մյուս ուժը՝ ԲՀԿ-ն, չի հրաժարվում, քննարկումն անիմաստ է դառնում:

Հայ խաղաղապահների ստորաբաժանումը մեկնել է Լիբանան

Ռուսաստանում Նավալնուն սատարելու ցույցեր են անցկացվում

Ձեր տխրահռչակ և հայակործան քաղաքական կարիերան այլևս ավարտված է․ Արտակ Թովմասյան

Տիգրան Ավինյանն ընդունել է ԵՄ պատվիրակության ղեկավարին

ԵՄ-ում մտադիր են սահմանափակել բարձր ռիսկով արհեստական ինտելեկտի օգտագործումը

Այս հայտարարությունը հերթական ծաղրն է իրավունքի նկատմամբ. Արամ Վարդևանյանը

Սյունիքի նախկին մարզպետ Վահե Հակոբյանի փաստաբանները հայտարարություն են տարածել

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: