Search

ԱԺ-ի հայտարարության նախագիծը բխում է ե՛ւ Հայաստանի, ե՛ւ Ղարաբաղի շահերից


ՀՀ Ազգային ժողովը հոկտեմբերի 26-ի արտահերթ նստաշրջանին չընդունեց հայտարարության նախագիծը, որը վերաբերում էր Հայաստանի եւ Ղարաբաղի շուրջ ստեղծված իրավիճակին։ Այս մասին նոյեմբերի 25-ին խորհրդարանական ընդդիմության նախաձեռնած խորհրդարանական լսումների ժամանակ հայտարարեց «5165» Ազգային պահպանողական շարժման ղեկավար, Ազատագրական շարժման առաջնորդներից Կարին Տոնոյանը:

Ընդդիմադիրն ընթերցեց այդ հայտարարության տեքստը, որից հետո խոստովանեց, որ այն իրեն հույս է ներշնչել։ «Ինձ թվում էր, որ եթե այս հայտարարությունը ընդունվի խորհրդարանի կողմից, դա կօգնի մեզ ապահովագրվել բազմաթիվ մարտահրավերներից ու սպառնալիքներից։ Այն վերաբերում էր յուրաքանչյուր հայի, շոշափում էր Հայաստանի եւ Ղարաբաղի յուրաքանչյուր քաղաքացու իրավունքներն ու շահերը։ Բայց, այնուամենայնիվ, այդ հայտարարությունն այդպես էլ չընդունվեց, քանի որ, ինչպես նշեց իշխող «Քաղաքացիական պայմանագիր» կուսակցության խորհրդարանական խմբակցության ղեկավարը, այն որեւէ մասնակցություն չի ունեցել ԱԺ հայտարարության նախագծի մշակմանը։ Դա, իհարկե, մեծ կորուստ էր»,- հեգնանքով հավելեց Տոնոյանը:

Այնուհետեւ նա դիմեց իշխող մեծամասնությանը, որն, ըստ էության, բոյկոտեց ընդդիմության նախաձեռնած լսումները: Ընդդիմադիրը նշեց, որ «Քաղաքացիական պայմանագիրը» բավական ժամանակ ուներ հայտարարության տեքստը լրամշակելու եւ սեփական տարբերակը ներկայացնելու համար։ Այնուամենայնիվ, դա այսպես էլ չարվեց:

Տոնոյանը դիմեց նաեւ խորհրդարանական ընդդիմությանը՝ կոչ անելով անել ամեն ինչ, որպեսզի Ազգային ժողովն ընդունի վերոնշյալ հայտարարությունը, որը, իր կարծիքով, բխում է ե՛ւ Հայաստանի, ե՛ւ Ղարաբաղի շահերից։

Ավստրալիայի վարչապետն ընդունել է իր պարտությունը խորհրդարանական ընտրություններում

Լիտվայի նախագահը ծանոթացել է հայ միջնադարյան մատենագրությանը

Հակառակորդի կրակոցից զինծառայող է վիրավորվել․ ՊՆ

Այս օրերին Փաշինյանի կողմից ձեռք բերվելիք պայմանավորվածությունը լեգիտիմ չէ. Վանեցյան

Վաղը օրը նվիրելու ենք բովանդակային հարցերի քննարկմանը

Օդի ջերմաստիճանը աստիճանաբար կբարձրանա 4-6 աստիճանով

Աստված վերջապես թող վճռականություն և ուժ տա սեփական ցավին անտարբեր մեր ժողովրդին. Զաքարյան

ԼՐԱՀՈՍ
practice cover.png