Ադրբեջանի ագրեսիայի հետևանքով զոհվել է քաղաքացիական մեկ անձ, վիրավորվել՝ վեցը. Զեկույց է պատրաստվում
Քաղաքացիական ենթակառուցվածքներից զատ, Ադրբեջանի ագրեսիայի շրջանակներում թիրախավորվել է հենց քաղաքացիական բնակչությունը: Այս մասին, այսօր՝ սեպտեմբերի 16-ին կառավարության նիստի սկզբում հայտարարեց ՀՀ ՄԻՊ Քրիստիննե Գրիգորյանը:
«Մենք արձանագրել ենք մեկ քաղաքացիական անձի մահ՝ բեկորային վնասվածքից: Առնվազն մեր կառույցի կողմից արձանագրվել է վիրավորում ստացած 6 քաղաքացիական անձի վերաբերյալ տվյալ: Թիրախավորվել ն նաեւ լրագրողներ: Մենք շարունակում ենք նույնականացնել պատերազմական հանցագործությունների վերաբերյալ տեղեկատվությունները: Դրանք ամփոփվում են, կհրապարակենք զեկույց»,-ասաց նա:
ԿԻր հերթին ՔԿ նախագահ Արգիշտի Քյարամյանը հայտարարեց, որ արդեն իսկ հարուցված են քրեական գործեր Ադրբեջանի ռազմաքաղաքական ղեկավարության կողմից ագրեսիայի ակտ իրականացնելու վերաբերյալ:
«Ինչպես նաեւ միջազգային մարդասիրական կոպտագույն խախտումների վերաբերյալ լայնածավալ քննչական գործողություններ են այս պահին տեղի ունենում, լրացուցիչ ՔԿ-ն հանդես կգա հայտարարությամբ»,-ասաց նա:
Comments