Search

Ադրբեջանը և Թուրքիան, անտեսելով ՄԱԿ գլխավոր քարտուղարի հրադադարի կոչը, ագրեսիա սանձազերծեցին. ԱԳՆ

Արտաքին գործերի նախարար Արա Այվազյանը տեսակապի ձեւաչափով այսօր՝ ապրիլի 7–ին, զրույց է ունեցել ՄԱԿ ԳՔ տեղակալ, Ասիայի եւ խաղաղօվկիանոսյան տարածաշրջանի տնտեսական եւ սոցիալական հանձնաժողովի Գործադիր Քարտուղար Արմիդա Սալսիա Ալիսահբանանի հետ: Ինչպես փոխանցեցին ԱԳՆ տեղեկատվության եւ հասարակայնության հետ կապերի վարչությունից, ի թիվս մի շարք հարցերի՝ քննարկվել են առաջիկայում կայանալիք հանձնաժողովի 77-րդ նստաշրջանին վերաբերող հարցեր:

Զրուցակիցները գոհունակություն են հայտնել Հայաստանի եւ հանձնաժողովի միջեւ հաստատված սերտ փոխգործակցության առնչությամբ՝ վերահաստատելով փոխադարձ պատրաստակամությունը՝ ապահովելու տարբեր գերատեսչությունների մակարդակով ծրագրերի եւ նախաձեռնությունների իրականացման շարունակականությունը:

Միջտարածաշրջանային համագործակցության ընդլայնման ուղղությամբ հանձնաժողովի կողմից իրականացվող ծրագրերի շուրջ քննարկումների համատեքստում նախարար Այվազյանն ընդգծել է, որ Հայաստանը, լինելով դեպի ծով ելք չունեցող երկիր, մշտապես հանդես է եկել տարածաշրջանային համագործակցության եւ փոխկապակցվածության ամրապնդման դիրքերից՝ հիմնված ներառականության սկզբունքի լիարժեք իրականացման վրա:

Արա Այվազյանն ու գործադիր քարտուղար Արմիդա Սալսիա Ալիսահբանանը մտքեր են փոխանակել նաեւ COVID-19-ի հաղթահարման գործում միջազգային ջանքերի գործադրման եւ համավարակից կայուն վերականգնմանն ուղղված քայլերի շուրջ:

ԱԳ նախարարը զրուցակցի ուշադրությունն է հրավիրել այն հանգամանքի վրա, որ Ադրբեջանը եւ Թուրքիան, անտեսելով ՄԱԿ Գլխավոր քարտուղարի՝ համավարակի ժամանակ գլոբալ հրադադարի կոչը, լայնամասշտաբ ագրեսիա սանձազերծեցին Արցախի դեմ, որի հետեւանքով արցախահայության առջեւ ծառացել են հումանիտար եւ սոցիալ-տնտեսական հրատապ խնդիրներ:

Կարեւորվել է միջազգային կառույցների՝ տեղում անմիջական ներգրավվածությունը եւ գործուն քայլերի ձեռնարկման անհրաժեշտությունը:


Իր որևէ հայտարարություն մեզ համար հիմք չէ. Իշխան Սաղաթելյան

ԱՄՆ դեսպանը հանդիպել է Սյունիքի մարզպետի, Մեղրիի, Գորիսի, Սիսիանի քաղաքապետերի հետ

Սահմանային միջադեպեր չեն արձանագրվել

Նունե Սարգսյանը ներկա է գտնվել իր հեղինակած հեքիաթի բեմականացման փորձին

Հայ խաղաղապահների ստորաբաժանումը մեկնել է Լիբանան

Ռուսաստանում Նավալնուն սատարելու ցույցեր են անցկացվում

Ձեր տխրահռչակ և հայակործան քաղաքական կարիերան այլևս ավարտված է․ Արտակ Թովմասյան

ԼՐԱՀՈՍ
practice cover.png
ԽՄԲԱԳՐՈՒԹՅՈՒՆ
  • Facebook
  • YouTube
ԼՐԱՏՎՈՒԹՅՈՒՆ

Կայքի բոլոր իրավունքները պաշտպանված են: Կայքից մեջբերումներ անելիս ակտիվ հղումը Anews.am-ի պարտադիր է: 

 

Հայտարարությունների և գովազդների բովանդակության համար կայքը պատասխանատվություն չի կրում: