Mar 26, 2021
«Ցանկացած դեպքում «Բարգավաճ Հայաստանը» ընտրություններին կմասնակցի: Մեզ համար ավելի կարեւոր է, որ այդ ընտրությունները լինեն ազատ եւ ազնիվ, որ վարչական ոչ մի ռեսուրս չկիրառվի, ինչի մասին մեզ արդեն հայտնում են»,- այս մասին մարտի 26-ին Ազգային ժողովում ավանդական ճեպազրույցների ժամանակ ասաց «Բարգավաճ Հայաստան» կուսակցության պատգամավոր Նաիրա Զոհրաբյանը: Նա հավելելով, որ այս պահին իրենց համար ավելի կարեւոր է վերջին շրջանում երկրում առաջացած ներքաղաքական ճգնաժամի կարգավորումը: