Nov 30, 2019
«Արհեստ, արվեստ և մանուկներ» երիտասարդ ստեղծագործողների ցուցահանդես-վաճառք բարեգործական ծրագրի շրջանակում միավորվեցին երիտասարդ ստեղծագործողներ, կատարողներ, արտադրողներ: Կայացած միջոցառման ընթաքում ներկայացված նկարների, քանդակների, գորգերի, հագուստի, պայուսակների, զարդերի, աքսեսուարների, ձեռագործ աշխատանքների վաճառքի հասույթի մի մասը տրամադրվեց Սիթի օֆ Սմայլ/ Ժպիտների քաղաք հիմնադրամին՝ քաղցկեղով և արյան հիվանդություններ ունեցող երեխաների և երիտասարդների բուժման նպատակով։
Երաժշտական համարներով և բազմաթիվ անակնկալներով լի հրաշալի տոնը կազմակերպել էին Մարինե Չոբանյանն ու Վերա Մխիթարյանը: Վերջիններիս նախաձեռնությանը միացել էին անհատ ստեղծագործողներ, երիտասարդ գործարարներ, սոցիալական ձեռնարկատիրության գաղափարը կրողները:
☑️Mko Nazluxanyan,
☑️Բնատուր/Bnature,
☑️Karin fashion studio,
☑️ModeYan Texstyle Gallery,
☑️LilmArt,
☑️Kassaman,
☑️Sirush Muradyan,
☑️Հայարփի Ապինյան,
☑️Vardan Oscar Petrosian,
☑️Texart,
☑️Protest handmade,
☑️Մարիամ Ղարիբյան,
☑️Նաիրի Գրիգորյան:
Միջոցառման կարգախոս ընտրվել էր՝ միասին կարող ենք կյանքեր փոխել: Մարինե Չոբանյանը կարևորեց նմանատիպ միջոցառումները, ընդգծելով, որ երիտասարդներին մոտիվացնելու և ինքնադրսևորվելու լավ հնարավորություն է ընձեռվում: Kassaman յուրահատուկ բրենդի հիմնադիր Ազատ Քյասինյանը կարծում է, որ ստեղծել ինչ որ բան և առաջխաղացնել, զարգացնել գաղափարը յուրաքանչյուր երիտասարդի համար փորձառություն է և դժվարությունները հաղթահարելու հնարավորություն: Կգա ժամանակ և իմ ստեղծած բրենդի մասին կխոսեն բոլորը: Սա տղամարդկանց և կանանց յուրահատուկ դարձնելու աքսեսուարների շարք է:
LilmArt բրենդի հիմնադիր Լիլիթ Հովհաննիսյանն էլ կանանց համար է ստեղծում հրաշալի և յուրօրինակ զարդեր, որոնք յուրաքանչյուր կնոջ կյանքում կարող են թալիսմանի և ուրախության խորհրդանիշ դառնալ: