Feb 25, 2021
ՄԱԿ-ը մտահոգված է Հայաստանում տեղի ունեցող իրադարձություններով եւ կողմերին զսպվածության ու քաղաքական հակասությունները երկխոսության միջոցով լուծելու կոչ է անում, ճեպազրույցում հայտարարել է կազմակերպության գլխավոր քարտուղարի պաշտոնական ներկայացուցիչ Ստեֆան Դյուժարիկը, հայտնում է «ՌԻԱ Նովոստին»:
«Այն, ինչ մենք տեսնում ենք Հայաստանում, մեզ ծայրաստիճան անհանգստացնում է: Շատ կարեւոր է, որ բոլոր կողմերը հանգստություն պահպանեն: Մենք կոչ ենք անում ցուցաբերել զսպվածություն, մենք նաեւ կոչ ենք անում ներառական երկխոսության՝ լարվածության դեէսկալացիայի եւ քաղաքական տարաձայնությունները լուծելու համար»,- ասել է Դյուժարիկը: «Դա պետք է արվի սահմանադրության եւ ժողովրդավարական կարգի հանդեպ լիակատար հարգանքով»,- հավելել է նա: