Aug 3, 2023
«Կուայշոու» ընկերության միջազգային հարաբերությունների գծով տնօրեն Վան Լուն մեկնաբանել է հայկական շուկա սոցիալական ցանցի հավանական մուտքի մասին։
«Կուայշոու» սոցիալական ցանցը Տիկ-Տոկի գլխավոր մրցակիցն է Չինաստանի ներսում, բայց Չինաստանի սահմաններից դուրս դա երկու հավելված է, որոնք ներկայացնում են մեկ երկիր, մենք դա կարող ենք անվանել մրցակցություն-համագործակցություն։ Առայժմ մեր պլատֆորմը կարելի է ներբեռնել 30 երկրներում, մենք ներկայացված ենք հիմնականում Աֆրիկայի հյուսիսում եւ, ավելի լայն, Հարավային Ամերիկայի եւ Լատինական Ամերիկայի երկրներում։ Մեր հավելվածը օգտագործում է ավելի քան մեկ միլիարդ մարդ ամբողջ աշխարհում։
Ինչ վերաբերում է Հայաստանում շուկայի զարգացմանը, ապա մենք առայժմ այդ հնարավորությունը դիտարկում ենք երկարաժամկետ հեռանկարի առումով։ Մեր ռազմավարությունում ներկա պահին Աֆրիկայի եւ Եվրասիայի ուղղություններն են, որի մեջ մտնում է նաեւ ձեր երկիրը, սակայն մենք այս հարցն ավելի հանգամանալից կսկսենք ուսումնասիրել հաջորդ տարվանից եւ կքննարկենք գործողությունների հանգամանալից պլանը»,- ասել է Վան Լուն։
«Կուայշոուն» (Kuaishou) չինական սոցիալական ցանց է, ստեղծվել է 2011թ., հավելված է տեսանյութերի եւ ուղիղ հեռարձակումների փոխանակման համար եւ փաստացի Չինաստանի սոցիալական ցանցերի հիմնական հավելվածն է կարճ տեսանյութեր դիտելու համար։ Kuaishou հավելվածը սիրված է այն չինացիների կողմից, որոնք առցանց հեռարձակում են իրենց կյանքը ոչ միայն մեծ քաղաքներում, այլեւ հեռավոր նահանգների եւ գավառների գյուղերում։
Պեկինից՝ Պարույր Սինյավսկի