Sep 14, 2020
«Լրագրողները հարցնում են, թե ինչո՞ւ ՍԴ դատավորների թեկնածուների հետ չենք հանդիպել: Ասում եմ՝ որովհետև չեն դիմել, որ հանդիպենք: Հիմա Ձեզ եմ հարցնում՝ ինչո՞ւ չեն կազմակերպվել նման հանդիպումներ ու գնալով այս փորձը վատանում է, այսինքն՝ էդ պրակտիկան վերանում է»,- ԱԺ-ում դիմելով Արարատ Միրզոյանին՝ հարցրեց ԼՀԿ խմբակցության ղեկավար Էդմոն Մարուքյանը: ԱԺ նախագահն ասաց, որ ո՛չ խմբակցությունների, ո՛չ թեկնածուների կողմից նման նախաձեռնություն չի եղել: «Երբ ասում եմ՝ գնալով վատանում է, նկատի ունեմ նախկինում թեկնածուներն առաջադրող մարմինները նախաձենում էին նման հանդիպումներ, հիմա ոչ ու ինձ թվում է՝ վատանում է փորձը»,- պարզաբանեց Մարուքյանը: «Էս դուք, էս թեկնածուները, կարող եք ձեր հարցերն ուղղել»,- արձագանքեց ԱԺ խոսնակը: