Sep 19, 2020
Անհայտ անձինք ԱՄՆ նախագահ Դոնալդ Թրամփին մահացու թույնով ծանրոց են ուղարկել։ Այս մասին հայտնում է CNN-ը ։
Ծանրոցը պարունակում էր «ռիցին» տեսակի թույն, որը ամենաուժեղ բուսական թույնն է։ Ծանրոցում թույնի առկայությունը հաստատել է երկու թեստ։
Հեռուստաալիքի հաղորդմամբ՝ ծանրոցը, որը նախնական ստուգում էր անցնում Սպիտակ տան պատերից դուրս, առգրավվել է իրավապահ մարմինների աշխատակիցների կողմից:
ԶԼՄ-ները նշում են, որ միջադեպի հետաքննությամբ կզբաղվի ՀԴԲ-ն և նախագահի թիկնազորի Գաղտնի ծառայությունը:
CNN-ը չի ներկայացնում Սպիտակ տան պաշտոնական մեկնաբանություններն այս միջադեպի առնչությամբ: