Sep 21, 2020
Մինսկում անկախության պալատի տանիքին, որը Բելառուսի նախագահ Ալեքսանդր Լուկաշենկոյի աշխատանքային նստավայրն է, նկատել են առնվազն երեք դիպուկահարների:
Այս մասին հաղորդում է Военный обозреватель-ի Telegram-ալիքը։
Պարբերականի փոխանցմամբ ՝ այդ մասնագետները մտնում են Լուկաշենկոյի անվտանգության ծառայության կազմի մեջ։
Ավելի վաղ հաղորդվել էր, որ Մինսկի կենտրոնում հայտնվել է զրահատեխնիկա։ Այն կենտրոնացած է եղել այն վայրում, որտեղ նախատեսված էր ընդդիմության ակցիան։Նկատվել են նաև ներքին զորքերի անձնակազմի տեղափոխման բեռնատարներ և հատուկջոկատայիններով ավտոբուսներ։
Հիշեցնենք, որ Բելառուսում նախագահ Ալեքսանդր Լուկաշենկոյի հրաժարականի և նոր ընտրությունների անցկացման պահանջով բողոքի զանգվածային ցույցեր են անցկացվում օգոստոսի 9-ից: