Dec 2, 2016
Համալսարաններում պետք է բացառել քննությունների վերահանձնումը: Այս մասին այսօր` դեկտեմբերի 2-ին, լրագրողների հետ հանդիպմանն ասաց Կրթության եւ գիտության նախարար Լեւոն Մկրտչյանը:
«Ամբողջ աշխարհում նման բան չկա, որ քննությունն ուսանողը կարող է մի քանի անգամ վերահանձնել»,- ասաց նախարարը:
Լեւոն Մկրտչյանի խոսքով` պետք է վերանայել նաեւ պետական քննությունների համակարգը: Նախարարի կարծիքով` պետական քննությունները նույնպես պետք է հանել. «Պետական քննությունների ժամանակ կոռուպցիոն ռիսկեր կան, պետք է բացառել դրանք: Դրա համար կրեդիտային համակարգը պետք է կայանա, որից հետո պետական քննությունները կկարողանանք վերացնել»: